Modi Youtube Channel | భారత ప్రధాని నరేంద్ర మోదీ (Narendra Modi) అరుదైన ఘనత సాధించారు. ప్రముఖ సామాజిక మాధ్యమం అయిన యూట్యూబ్(Youtube)లో ప్రధాని మోదీ యొక్క వ్యక్తిగత ఖాతాను ఏకంగా రెండు కోట్ల మంది సబ్స్క్రయిబ్ చేసుకున్నారు.
ఈ ఘనత సాధించిన తొలి ప్రధానిగా మరియు ప్రపంచంలోనే ఈ అరుదైన ఘనత సాధించిన తొలి అగ్ర నేతగా రికార్డ్ సృష్టించారు మోది. ఈ యూట్యూబ్ ఛానల్ ద్వారా తన ఆలోచనలను, ప్రభుత్వ విధానాలను, కార్యక్రమాలను ప్రజలతో పంచుకుంటారు మోదీ.
అంతేగాకుండా దేశ ప్రజలతో నేరుగా కమ్యూనికేట్ చేయడానికి కూడా ఈ ఛానల్ ను వినియోగించుకుంటారు. ఈ నేపథ్యంలో ప్రధాని మోదీ రెండు కోట్ల సబ్ స్క్రైబర్లు సాధించడంతో నెటిజన్లు అభినందనలు తెలుపుతున్నారు.
