Rajendhar Met With Raja Singh
బీజేపీ బహిష్కృత నేత, గోషామహల్ ఎమ్మెల్యే రాజాసింగ్ తో బీజేపీ ఎన్నికల నిర్వహణ కమిటీ చైర్మన్ ఈటల రాజేందర్ భేటీ అయ్యారు.
గోషామహల్ లోని రాజాసింగ్ ఇంటికి వెళ్లి ఈటల రాజేందర్ మర్యాదపూర్వకంగా కలిశారు.
ఇటీవల రాజాసింగ్ హరీష్ రావుతో ఆయన స్వగృహంలో భేటీ అయ్యారు. నియోజకవర్గ సమస్యలపై మాత్రమే చర్చింనట్లు రాజాసింగ్ పేర్కొన్నారు.
కానీ రాజాసింగ్ త్వరలో పార్టీ మారబోతున్నారని వార్తలు గుప్పుమన్నాయి. ఇటువంటి తరుణంలో ఈటల రాజేందర్, రాజాసింగ్ తో భేటీ అవ్వడం ఆసక్తిగా మారింది.
గోషామహల్ నియోజకవర్గoలో బీజేపీ కార్పొరేటర్లను, కార్యకర్తలను పోలీసులు అక్రమ కేసులు పెట్టి వేధిస్తున్నారని రాజేందర్ మీడియాకు తెలిపారు.
ముస్లిం ప్రవక్త పై అనుచిత వ్యాఖ్యలు చేసినందుకు బీజేపీ అధిష్టానం రాజాసింగ్ ను సస్పెండ్ చేశారు. తనపై విధించిన సస్పెన్షన్ గురుంచి రాజాసింగ్, ఈటల మధ్య చర్చ జరిగినట్లు సమాచారం.
అతి త్వరలో రాజాసింగ్ పై ఉన్న సస్పెన్షన్ ను ఎత్తివేసే విధంగా అధిష్టానాన్ని కోరుతానని ఈటల హామీ ఇచ్చినట్లు తెలుస్తోంది
