Sarpanch Election Schedule | తెలంగాణ ఎన్నికల కమిషన్ రాష్ట పంచాయతీ ఎన్నికల షెడ్యూల్ ను ప్రకటించింది. మంగళవారం సాయంత్రం నిర్వహించిన మీడియా సమావేశంలో ఎన్నికల కమిషనర్ రాణి కుముదిని ఈ షెడ్యూల్ ను విడుదల చేశారు.
రాష్ట్రంలో మొత్తం మూడు విడతల్లో ఎన్నికలు నిర్వహించబోతున్నట్లు వెల్లడించారు. డిసెంబర్ 11, 14, 17 తేదీల్లో పోలింగ్ నిర్వహించబోతున్నట్లు చెప్పారు. అదే రోజు ఓట్ల లెక్కింపు చేపట్టి, ఫలితాలు ప్రకటించనున్నట్లు తెలిపారు.
ఉదయం 7 గంటల నుంచి మధ్యాహ్నం 1 గంట వరకు పోలింగ్, మధ్యాహ్నం 2 గంటల నుంచి ఓట్ల లెక్కింపు చేపడతామన్నారు. రాష్ట్ర వ్యాప్తంగా ఎన్నికల కోడ్ నేటి నుంచే అమల్లోకి వస్తుందని పేర్కొన్నారు.
