Justin Langer Picks Up Reporter’s Call | లక్నో సూపర్ జెయింట్స్ హెడ్ కోచ్ జస్టిన్ లాంగర్ ( Justin Langer )మీడియా సమావేశంలో మాట్లాడుతున్న సమయంలో రిపోర్టర్ ఫోన్ కు కాల్ వచ్చింది.
అనంతరం హెడ్ కోచ్ జస్టిన్ లాంగర్ జరిపిన సరదా సంభాషణ నవ్వులు పూయిస్తోంది. శుక్రవారం సొంత మైదానంలో ముంబై ఇండియన్స్ ను లక్నో ఓడించింది. అనంతరం పోస్ట్ మ్యాచ్ ప్రెస్ కాన్ఫరెన్స్ లో హెడ్ కోచ్ లాంగర్ మాట్లాడారు.
ఈ సందర్భంగా మైకులు పెట్టిన టేబుల్ పై ఓ రిపోర్టర్ తన ఫోన్ ను ఉంచారు. కాగా, జస్టిన్ లాంగర్ మీడియాతో మాట్లాడుతున్న సమయంలో రిపోర్టర్ ఫోన్ కు కాల్ వచ్చింది.
దింతో రిపోర్టర్ అనుమతి తీసుకున్న జస్టిన్ లాంగర్ ఫోన్ కాల్ ను లిఫ్ట్ చేసి, ‘అమ్మా ఇప్పుడు 12 గంటల ఎనమిది నిమిషాల సమయం అవుతుంది. నేను ప్రెస్మీట్ లో ఉన్నా’ అంటూ రిపోర్టర్ తల్లితో జస్టిన్ సరదాగా సంభాషించారు. ఈ క్రమంలో లక్నో హెడ్ కోచ్ మాట్లాడిన మాటలు అక్కడ ఉన్నవారికి నవ్వులు తెప్పించాయి.
