Monkey Punch Story | ఈ ప్రపంచంలో ఏ జీవికైనా తల్లి ప్రేమను మించిన ఆప్యాయత ఎక్కడా దొరకదు అంటే అతిశయోక్తి లేదు. ఏ జీవికైనా తల్లి ఒడే తన ప్రపంచం. అలా తల్లి ఒడిలో పెరగాల్సిన వయసులో ఓ చిన్న కోతి.. ఓ బొమ్మను హత్తుకుని అమ్మ కౌగిలోని వెచ్చదనాన్ని వెతుక్కుంటోంది.
జపాన్లోని ఓ నగరంలోని Zooలో ఈ హృదయాన్ని కదిలించే ఘటన చోటుచేసుకుంది. జూలో జన్మించిన ఆరు నెలల జపనీస్ మకాక్ కోతిపిల్ల ‘పంచ్’ (Punch)ను తల్లి వదిలేయడంతో జూ కీపర్లు పెంచుతున్నారు. తల్లి ఒడిలో పెరిగే అవకాశం లేకపోవడంతో పంచ్కు ఓ ఒరాంగుటాన్ బొమ్మను ఇచ్చారు.
దీంతో ఆ చిన్ని కోతి పంచ్ ఆ ఒరాంగుటన్ బొమ్మనే తన తల్లిలా భావిస్తోంది. ఆ బొమ్మనే తల్లిలా హత్తుకుని నిద్రపోవడం అందరినీ కదిలిస్తోంది. జూలో ఎక్కడికి వెళ్లిన ఆ బొమ్మను వెంటబెట్టుకొని వెళుతోంది. ఆ బొమ్మ ఒడిలో పడుకొని నిద్రిస్తోంది.
దీంతో #HangInTherePunch హ్యాష్ట్యాగ్తో సోషల్ మీడియాలో పంచ్కు భారీ మద్దతు లభించింది. వేలాది పోస్టులు వైరల్ అయ్యాయి. ఇటీవల మంకీ మౌంటెన్ గుంపులోకి మళ్లీ చేర్చగా, క్రమంగా ఇతర కోతులతో కలిసిపోతోంది. సందర్శకులు పంచ్ను చూసేందుకు పెద్ద ఎత్తున జూకి తరలివస్తున్నారు.
