– అతడి సమయస్ఫూర్తికి నెటిజన్ల హాట్సాఫ్!
Delivery Boy Saves Woman Life | తమిళనాడులో ఒక డెలివరీ బాయ్ (Tamilnadu Delivery Boy) చేసిన పనికి అతడిపై ప్రశంసలు కురుస్తున్నాయి. సాధారణంగా మొదలైన ఒక డెలివరీ, చివరకు ఒక నిండు ప్రాణాన్ని నిలబెట్టింది.
ఆ డెలివరీ బాయ్ కి రాత్రి సమయంలో మూడు ప్యాకెట్ల ఎలుకల మందు (Rats Poison) ఆర్డర్ వచ్చింది. ఆర్డర్‌ను తీసుకుని అడ్రస్ కు వెళ్లిన అతనికి అక్కడ పరిస్థితి కాస్త అనుమానాస్పదంగా తోచింది. ఇంటి తలుపు తీసిన మహిళ తీవ్రంగా భావోద్వేగానికి లోనై కన్నీళ్లతో కనిపించింది.
ఆమె స్థితిని గమనించిన డెలివరీ బాయ్ ఆమెతో మృదువుగా మాట్లాడి, ఆమె మానసిక స్థితిని అర్థం చేసుకునేందుకు ప్రయత్నించాడు. అయితే తానకు ఏ హాని చేసుకునే ఉద్దేశం లేదని ఆమె చెప్పింది. అయినప్పటికీ డెలీవరీ బాయ్ కు నమ్మకం కుదరలేదు.
కాసేపు మాట్లాడుతూ అక్కడే ఉండి ఆమెతో సానుభూతిగా మాట్లాడాడు. జీవితం విలువైనదని, సమస్యలు శాశ్వతం కాదని ఆమెకు ధైర్యం చెప్పాడు. చివరకు ఆ ఆర్డర్‌ను క్యాన్సల్ చేసి, ఎలుకల మందును తిరిగి తీసుకెళ్లాడు.
ఈ ఘటనను అతడు ఇన్‌స్టాగ్రామ్‌లో షేర్ చేయగా, నెటిజన్లు అతని మానవత్వం, సమయస్ఫూర్తిని ప్రశంసలతో ముంచెత్తుతున్నారు. ఒక సాధారణ డెలివరీ ఉద్యోగి తీసుకున్న నిర్ణయం ఒక ప్రాణాన్ని కాపాడిందంటూ కొనియాడుతున్నారు.
