Donald Trump Warns BRICS Countries | భారతదేశం భాగంగా ఉన్న బ్రిక్స్ ( BRICS ) దేశాలకు అమెరికా అధ్యక్షుడిగా ఎన్నికైన డోనాల్డ్ ట్రంప్ ( Donald Trump ) హెచ్చరికలు జారీ చేశారు.
అమెరికన్ డాలర్ కు ప్రత్యాన్మయంగా ఇతర కరెన్సీలను వినియోగించాలని భావిస్తే సుంకాల ( Tariff ) పోటు తప్పదని తనదైన శైలిలో వార్నింగ్ ఇచ్చారు. బ్రెజిల్, రష్యా, ఇండియా, చైనా, సౌత్ ఆఫ్రికా మరియు ఇరాన్, యూఏఈ, ఇథియోపియా, ఈజిప్ట్ దేశాల సమూహాన్ని బ్రిక్స్ గా అభివర్ణిస్తారు.
ఇటీవల రష్యాలోని కజాన్ ( Kazan ) నగరం వేదికగా బ్రిక్స్ శిఖరాగ్ర సదస్సు జరిగింది. ఇందులో డాలర్ ( Dollar ) స్థానాల్లో బ్రిక్స్ దేశాలు లోకల్ కరెన్సీని ఉపయోగించే విధంగా చర్యలు తీసుకోనున్నట్లు సన్నాహాలు మొదలుపెట్టాయి.
ఈ క్రమంలో డాలర్కి ప్రత్యామ్నయంగా కొత్త కరెన్సీని సృష్టించే ప్రణాళికలను ఉపసంహరించుకోవాలని, లేకపోతే బ్రిక్స్ దేశాలపై 100శాతం సుంకాలను విధిస్తామని ట్రంప్ సంచలన ప్రకటన చేశారు.
కొత్త బ్రిక్స్ కరెన్సీ సృష్టించమని, బలమైన యూఎస్ డాలర్కి ప్రత్యామ్నాయంగా మరొక కరెన్సీకి మద్దతివ్వబోమని ఈ దేశాలు కట్టుబడి ఉండాలి. లేకపోతే 100శాతం టారీఫ్లను ఎదుర్కోవాలి. అదే సమయంలో అమెరికా ఆర్థిక వ్యవస్థలో అమ్మకాలు చేయకూడదని ట్రంప్ స్పష్టం చేశారు.
