Ys Sharmila On Varra Ravindra Reddy | సోషల్ మీడియా ( Social Media ) వ్యవస్థను కొంతమంది సైకోలు, సైకో పార్టీలతో కలిసి ఉచ్ఛం నీచం లేకుండా భ్రష్టు పట్టించారని ఏపీ కాంగ్రెస్ చీఫ్ షర్మిల ( Ys Sharmila ) మండిపడ్డారు.
మానవ సంబంధాలు, రక్త సంబంధాలు మరిచి మృగాల లెక్క మారారన్నారు. ‘సోషల్ సైకోల బాధితుల్లో నేను ఒకరిగా చెప్తున్నాను… అసభ్యకర పోస్టులతో ప్రతిష్ట దెబ్బతినేలా పోస్టులు పెట్టీ ..పైశాచిక ఆనందం పొందే సైకోలపై కఠినంగా చర్యలు ఉండాలి.
నా మీద, అమ్మ మీద, సునీత మీద విచ్చలవిడిగా పోస్టులు పెట్టారు. నేను వైఎస్ రాజశేఖర్ రెడ్డి గారికే పుట్టలేదని అవమానించారు. నా ఇంటి పేరు మార్చి శునకానందం పొందారు. నాపై అసభ్యకర పోస్టులు పెట్టిన వర్రా రవీందర్ రెడ్డిపై నేను కూడా పోలీస్ కేసు పెట్టాను.
అటువంటి సైకో అరెస్టును స్వాగతిస్తున్నాం.’ అని షర్మిల పేర్కొన్నారు. మరోసారి సోషల్ మీడియాలో వ్యక్తిత్వ హాననానికి పాల్పడాలంటే భయపడేలా అనునిత్యం చర్యలు కొనసాగాలని కూటమి ప్రభుత్వాన్ని ఆమె డిమాండ్ ( Demand ) చేశారు.
