RTC MD Sajjanar Clarity On Ticket Rates | దసరా ( Dasara ) పండుగ నేపథ్యంలో ఆర్టీసీ ( TGSRTC ) బస్సుల్లో ఛార్జీలు భారీగా పెంచారనే ప్రచారంపై టీజీఎస్ ఆర్టీసీ ఎండీ సజ్జనర్ ( MD Sajjanar ) స్పందించారు.
జరుగుతున్న ప్రచారంలో వాస్తవం లేదని స్పష్టం చేశారు. జీవో ప్రకారం స్పెషల్ బస్సుల్లో మాత్రమే చార్జీలను సంస్థ సవరించిందని రెగ్యులర్ సర్వీస్ల టికెట్ చార్జీల్లో ఎలాంటి మార్పు లేదన్నారు. అలాగే పండగ సమయాల్లో మాత్రమే జీవో ప్రకారం స్పెషల్ సర్వీసుల్లో టికెట్ ధరలను సవరించడం జరుగుతుందని టీజీఎస్ఆర్టీసీ యాజమాన్యం స్పష్టం చేసింది.
సాధారణ రోజుల్లో యథావిధిగా సాధారణ టికెట్ ధరలే ఉంటాయని స్పెషల్ సర్వీసులకు టికెట్ ధరలను సవరించడం సంస్థలో అనవాయితీగా వస్తోందని సజ్జనర్ చెప్పారు.
ప్రధాన పండుగల సమయంలో రద్దీ మేరకు హైదరాబాద్ సిటీ బస్సులను కూడా జిల్లాలకు సంస్థ తిప్పుతుందని, తిరుగు ప్రయాణంలో ప్రయాణికుల రద్దీ ఉండకపోవడంతో ఖాళీగా ఆ బస్సులు వెళ్తుంటాయి, ఆ స్పెషల్ బస్సులకు అయ్యే కనీస డీజిల్ ఖర్చుల మేరకు టికెట్ ధరను సవరించుకోవాలని 2003లో జీవో నంబర్ 16 ను రాష్ట్ర ప్రభుత్వం జారీ చేసిందని సజ్జనర్ గుర్తుచేశారు.
