Malaika Arora Father Commits Suicide | బాలీవుడ్ ( Bollywood ) స్టార్ హీరోయిన్ మలైకా అరోరా ( Malaika Arora ) ఇంట్లో తీవ్ర విషాదం నెలకొంది. ఆమె తండ్రి అనిల్ అరోరా ( Anil Arora ) బుధవారం సూసైడ్ చేసుకున్నారు.
ముంబై ( Mumbai )లోని ఆయన ఇంటి టెర్రస్ పై నుండి దూకి ఆత్మహత్య చేసుకున్నారు. విషయం తెలుసుకున్న మలైకా హుటాహుటిన పూణే నుండి ముంబై బయలుదేరారు.
అలాగే మలైకా మాజీ భర్త అర్భాజ్ ఖాన్ ( Arbhaaz Khan ) ఘటన స్థలికి వెళ్లారు. కాగా సూసైడ్ ( Suicide )కు గల కారణాలు తెలియాల్సి ఉంది. ఇంట్లో ఎటువంటి సూసైడ్ నోట్ లభించలేదని పోలీసులు తెలిపారు.
అలాగే ఈ ఘటనపై విచారణ చేపట్టారు. మలైకా తండ్రి అనిల్ అరోరా పంజాబ్ రాష్ట్రానికి చెందినవాడు. ఆయన మర్చంట్ నేవిలో పనిచేశారు. ఇదిలా ఉండగా మలైకా 11 ఏళ్ల వయస్సు ఉన్నప్పుడు ఆమె తల్లిదండ్రులు విడిపోయారు.
