Gajuwaka Delivery Boy | గాజువాక ( Gajuwaka ) లో అమానవీయ ఘటన చోటుచేసుకుంది. భారీ వర్షాలు కురుస్తున్నా ప్రజలకు నిత్యావసరాలు అందిస్తున్న ఓ డెలివరీ బాయ్ ( Delivery Boy ) ని కారుతో ఢీ కొట్టి దౌర్జన్యం చేశాడు ఓ వ్యక్తి.
గాజువాకలో భారీ వర్షంలోను ఓ డెలివరీ బాయ్ పార్సెల్లను తీసుకొని రోడ్డుపై వెళ్తున్నాడు. ఇంతలోనే ఓ వ్యక్తి వెనుకనుండి వచ్చి బైక్ ( Bike ) ని ఢీ కొట్టాడు. దింతో సదరు డెలివరీ బాయ్ కిందపడిపోయాడు.
అయినప్పటికీ ఏ మాత్రం సానుభూతి చూపకుండా కారులో నుండి దిగిన వ్యక్తి తాను సబ్ ఇన్స్పెక్టర్ ( Sub Inspector )అంటూ రెచ్చిపోయాడు. డెలివరీ చేయాల్సిన వస్తువులను పక్కకు విసిరేసి, డెలివరీ బాయ్ ను హెచ్చరించాడు.
తోటి వాహనదారులు నచ్చచెప్పే ప్రయత్నం చేసినా తాను సబ్ ఇన్స్పెక్టర్ అంటూ దాబాయించాడు. దీనికి సంబంధించిన వీడియో వైరల్ గా మారింది.
డెలివరీ బాయ్ పై సానుభూతి వ్యక్తం చేస్తున్న నెటిజన్లు ( Netizens )దౌర్జన్యం చేసిన సదరు వ్యక్తిపై ఆగ్రహం వ్యక్తం చేస్తున్నారు.
