Nampally Fire Accident | హైదరాబాద్ లోని నాంపల్లి బజార్ ఘాట్ లో భారీ అగ్నిప్రమాదం సంభవించింది. ఓ కెమికల్ గోడౌన్ లో భారీగా మంటలు చెలరేగాయి. ఓ అపార్టుమెంటు గ్రౌండ్ ఫ్లోర్‌లో ఒక్కసారిగా చెలరేగిన మంటలు ఐదు అంతస్తుల వరకు వ్యాపించాయి.
ఈ అపార్ట్మెంట్ లోని 3వ, 4వ ఫ్లూర్స్ లో పలు కుటుంబాలు అద్దెకు ఉన్నట్లు తెలుస్తోంది. గ్రౌండ్ ఫ్లోర్ లో డీజీల్, కెమికల్ డ్రమ్ములు ఉండటంతో మంటలు పై ఫ్లోర్స్ కి వేగంగా వ్యాపించాయి.
సమాచారం అందుకున్న అగ్నిమాపక సిబ్బంది, పోలీసులు, జీహెచ్ఎంసీ అధికారులు హుటాహుటిన ఘటనా ప్రాంతానికి చేరుకుని రెస్క్యూ ఆపరేషన్‌ చేపట్టారు. ఫైర్‌ సిబ్బంది నాలుగు ఫైరింజన్‌ల సాయంతో మంటలను ఆర్పుతున్నారు.
కాగా ఈ దుర్ఘటనలో (Nampally Fire Accident ) ఇప్పటికే తొమ్మిది మంది మరణించినట్లు సమాచారం. మృతుల సంఖ్య పెరిగే అవకాశం ఉన్నట్లు తెలుస్తోంది. కొందరు ఊపిరాడక, మరికొందరు సజీవ దహనం అయ్యారు.
అలాగే తీవ్ర గాయాలపాలైన మరో ఎనిమిది మందిని గాంధీ ఆసుపత్రికి తరలించారు. ఘటనపై కేసు నమోదు చేసుకొనున్న పోలీసులు ప్రమాదానికి గల కారణాలు తెలుసుకుంటున్నారు.
