Cm Revanth Interesting Comments On Gautam Adani | తెలంగాణ ( Telangana ) ముఖ్యమంత్రి రేవంత్ రెడ్డి ఇంటరెస్టింగ్ కామెంట్స్ చేశారు.
మహారాష్ట్ర ( Maharastra ) ఎన్నికల నేపథ్యంలో తెలంగాణ సీఎం రేవంత్, హిమాచల్ ప్రదేశ్ సీఎం సుఖ్విందర్ సింగ్ ( Sukhvinder Singh Sukhu ), కర్ణాటక ఉపముఖ్యమంత్రి డీకే శివకుమార్ ( Dk Shivakumar ) ముంబై లో మీడియా సమావేశం నిర్వహించారు. ఈ సందర్భంగా సీఎం రేవంత్ తెలంగాణలో కాంగ్రెస్ పార్టీ అమలు చేస్తున్న పథకాలను ప్రస్తావించారు.
అయితే ఇదే సమయంలో అదాని ( Gautam Adani )కి సంబంధించి ఓ జర్నలిస్టు సీఎం రేవంత్ ను ప్రశ్నించారు. ఓ వైపు కాంగ్రెస్ పార్టీ అదానికి వ్యతిరేక స్టాండ్ తీసుకుంటే తెలంగాణ లో ఆయన పెట్టుబడులు పెట్టేందుకు ఎలా ఆహ్వానిస్తున్నారంటూ జర్నలిస్ట్ ప్రశ్నించారు.
దీనిపై స్పందించిన సీఎం, ప్రధాని మోదీ ( Pm Modi ) ప్రతీ విషయంలో అదాని కి డబ్బులు ఇస్తున్నాడని, కానీ తెలంగాణలో తాను మాత్రం అదాని జేబు నుండి డబ్బులు తీసి పెట్టుబడులు పెట్టిస్తున్నట్లు సీఎం రేవంత్ వ్యాఖ్యానించారు.
