Janwada Farmhouse Rave Party News | హైదరాబాద్ ( Hyderabad )శివారు జన్వాడ ఫార్మ్ హౌస్ లో శనివారం రాత్రి పార్టీ జరుగుతున్న విషయాన్ని తెలుసుకున్న ఎస్ఓటి ( SOT ) పోలీసులు దాడులు నిర్వహించారు.
ఈ పార్టీలో మొత్తం 35 మంది వరకు పాల్గొన్నారు. అనుమతి లేని విదేశీ మద్యాన్ని పోలీసులు గుర్తించారు. రాజ్ పాకాల ఫార్మ్ హౌస్ ( Raj Pakala Farmhouse ) లో రాజేంద్రప్రసాద్ పాకాల అనే వ్యక్తి పార్టీని నిర్వహించినట్లు తెలుస్తోంది. ఈయన బీఆరెస్ వర్కింగ్ ప్రెసిడెంట్, మాజీ మంత్రి కేటీఆర్ ( KTR ) బంధువు కావడం ఇప్పుడు రాజకీయంగా సంచలనంగా మారింది.
సైబరాబాద్ ఎస్ఓటి పోలీసులు, ఎక్సైజ్ శాఖ సంయుక్తంగా నిర్వహించిన దాడుల్లో విజయ్ మద్దూరి ( Vijay Madduri )అనే వ్యక్తికి కోకైన్ పాజిటివ్ తేలింది. అనుమతి లేని విదేశీ మద్యాన్ని తీసుకువచ్చినందుకు ఎక్సైజ్ చట్టం మరియు డ్రగ్స్ సేవించినట్లు తేలడంతో NDPS చట్టం కింద రెండు కేసులు నమోదు చేసి, పోలీసులు విచారణ చేపట్టారు.
