Dhar Police Station | తన తండ్రిని జైల్లో వేయండి అంటూ ఓ చిన్నపిల్లాడు పోలీసులకు ఫిర్యాదు చేశాడు. దీనికి సంబంధించిన వీడియో తెగ వైరల్ గా మారింది. ఆ పిల్లాడు తండ్రని జైల్లో ఎందుకు వేయాలి అని చెప్పిన కారణం అందర్నీ నవ్వేలా చేసింది.
మధ్యప్రదేశ్ లోని ధార్ పట్టణంకు చెందిన ఓ చిన్నపిల్లాడు స్థానిక పోలీస్ స్టేషన్ కు వెళ్లాడు. తండ్రి తనను ఆడుకోనివ్వడం లేదని, రోడ్డుపై తిరగనీయడం లేదని చెప్పుకొచ్చాడు. అంతేకాకుండా నది తీరానికి వెళ్లేందుకు కూడా అనుమతి ఇవ్వడం లేదని తండ్రి ఇక్బాల్ పై ఫిర్యాదు చేశాడు.
తండ్రిని వెంటనే అరెస్ట్ చేసి జైల్లో వేయాలని కోరాడు. పిల్లాడి ఫిర్యాదు విన్న అక్కడి వారందరు పగలబడి నవ్వుకున్నారు. ఫిర్యాదు చేయడానికి తన తండ్రితో కలిసి ఠాణాకు వెళ్లడం విశేషం.