Cm Chandrababu Helps Auto Driver | సీఎం చంద్రబాబు ( Cm Chandrababu )రెండు రోజుల వ్యవధిలోనే ఇచ్చిన హామీని నెరవేర్చుకున్నారు.
స్వాతంత్య్ర దినోత్సవ సందర్భంగా గుడివాడ ( Gudivada ) పట్టణంలో సీఎం చంద్రబాబు అన్నా క్యాంటీన్ ను ప్రారంభించారు. అనంతరం అక్కడ ఏర్పాటు చేసిన సభలో చిరు వ్యాపారులు, ఆటో డ్రైవర్లతో మాట్లాడారు.
ఈ సందర్భంగా వలివర్తిపాడుకు చెందిన ఆటోడ్రైవర్ రజినీకాంత్ సీఎంతో మాట్లాడారు. ఈ సమయంలో డీసీల్ ఆటోను ఎలక్ట్రిక్ ( Electric ) గా మార్చుకుంటే ఖర్చు తగ్గుతుంది కదా అని బాబు సూచించారు. అయితే తనవద్ద అంత డబ్బులేదని ఆటోడ్రైవర్ ( Auto Driver ) తన ఆర్థిక స్థోమతను వివరించారు.
దింతో ఎలక్ట్రిక్ ఆటోను ఇప్పిస్తానని చంద్రబాబు హామీ ఇచ్చారు. ఈ నేపథ్యంలో, శుక్రవారం సాయంత్రం రూ.3.9 లక్షల విలువైన ఎలక్ట్రిక్ ఆటోను రజినీకాంత్ కు అందించారు. రజినీకాంత్ ఆనందాన్ని వ్యక్తం చేశారు. తన కుటుంబానికి చంద్రబాబు చేసిన మేలు ఎప్పటికీ మర్చిపోలేనని పేర్కొన్నారు.
