Dogs Vs Lions Video | గుజరాత్ లోని అమ్రేలిలో ఓ ఆసక్తికర ఘటన చోటు చేసుకుంది. రెండు గ్రామ సింహాలు, అడవి సింహాలను (Dogs Vs Lions) తరిమి కొట్టాయి.
ఆసియాటిక్ సింహాలకు ప్రసిద్ధి చెందిన ప్రసిద్ధ గిర్ నేషనల్ పార్క్ (Gir National Park) కు 70 కిలోమీటర్ల దూరంలో సావర్కుండ్లా (Savar Kundla) లోని గోశాల వద్దకు అర్ధరాత్రి రెండు సింహాలు వచ్చాయి.
గోశాల గేట్ బయట తిరుగుతున్నాయి. గేట్ లోపల ఉన్న కుక్కలు వాటిని గమనించి మొరుగుతూ వాటిని అడ్డుకున్నాయి. వాటిని ఎదుర్కొంటూ లోపలికి రాకుండా తరిమికొట్టాయి. సింహాలు, కుక్కల మధ్య కొద్దిసేపు తీవ్ర పోరు జరిగింది.
సింహాలు వెళ్లిపోయిన తర్వాత ఓ కుక్క బయటికి వచ్చి మరీ చూసి వెళ్లడం గమనార్హం. ఆ గేటు వద్ద అమర్చిన సీసీ కెమెరాలో ఈ ఘటన రికార్డు అయ్యింది. ప్రస్తుతం ఈ వీడియో సోషల్ మీడియాలో వైరల్ అవుతోంది.
