Mallareddy Viral Dance Video | తెలంగాణ ( Telangana ) రాజకీయాల్లో ఆయనో మాస్ పొలిటీషియన్ ( Politician ). ఆయన ఎక్కడ ఉంటే అక్కడ సినిమా డైలాగులు, పొలిటికల్ ఛాలెంజులు, తొడ కొట్టడాలు జరుగుతుంటాయి.
ఆయనే మాజీ మంత్రి మల్లారెడ్డి ( Mallareddy ). తాజాగా ఈ బీఆరెస్ ఎమ్మెల్యేకు సంబంధించిన పలు వీడియోలు నెట్టింట్లో తెగ వైరల్ ( Viral ) గా మారాయి. 71 ఏళ్ల వయసులో కూడా యువకులకు ధీటుగా మల్లారెడ్డి మాస్ స్టెప్పులేసి అందర్నీ ఆశ్చర్యపరిచారు.
మల్లారెడ్డి అల్లుడు, మల్కాజిగిరి ( Malkajgiri ) ఎమ్మెల్యే మర్రి రాజశేఖర్ రెడ్డి ( Marri Rajashekar Reddy ) కూతరు శ్రేయారెడ్డి, ఆదిత్య ల వివాహం అక్టోబర్ 27న జరగనుంది. వివాహం లో భాగంగా ఇటీవల సంగీత్ జరిగింది. ఈ ఈవెంట్ లో మల్లారెడ్డి తెలుగు సినీ పాటలకు డాన్స్ వేశారు.
‘తాతా వస్తారే..అదరకొట్టి పోతాడే ‘ , ‘ నాటు నాటు ‘ , డీజే టిల్లు ( DJ Tillu ) పాటలకు మల్లారెడ్డి వేసిన స్టెప్పులు వైరల్ గా మారాయి. ఇదిలా ఉండగా తన మనవరాలి పెళ్లికి రావాలని తెలంగాణ సీఎం రేవంత్ రెడ్డి ( Cm Revanth ), ఏపీ ముఖ్యమంత్రి చంద్రబాబు ( Cm Chandrababu ) లను మల్లారెడ్డి ఆహ్వానించారు.