Death Threat To Yogi Adityanath | ఉత్తర్ ప్రదేశ్ ( Uttar Pradesh ) సీఎం యోగి ఆదిత్యనాథ్ ను చంపేస్తామంటూ శనివారం సాయంత్రం ముంబై పోలీసు కంట్రోల్ రూమ్ వాట్సప్ ( Whatsapp ) కు గుర్తుతెలియని నంబర్ నుండి మెస్సేజ్ వచ్చిన విషయం తెల్సిందే.
పది రోజుల్లో సీఎం పదవికి యోగి రాజీనామా చేయాలని లేదంటే మహారాష్ట్ర మాజీమంత్రి బాబా సిద్దిఖీ ( Baba Siddique ) లానే యూపీ సీఎంను కూడా హత్య చేస్తామని వార్నింగ్ ( Warning ) ఇచ్చారు. ఈ క్రమంలో విచారణ చేపట్టిన పోలీసులు, ముంబై థానే ( Thane ) లోని 24 ఏళ్ల ఫాతిమా ఖాన్ ( fatima Khan ) ను అదుపులోకి తీసుకున్నారు.
ఇన్ఫర్మేషన్ టెక్నాలజీలో బీఎస్సి చేసిన ఫాతిమా ఖాన్ థానే లోని ఉల్లాస్ నగర్ ( Ullasnagar ) లో ఉంటోంది. ఆమె తండ్రి కలప వ్యాపారం చేస్తున్నట్లు పోలీసులు వెల్లడించారు. యూపీ సీఎం యోగికి బెదిరింపుల మెస్సేజ్ చేసింది ఫాతిమా ఖానే అని పోలీసులు నిర్దారించారు. అయితే ఆమె మానసిక స్థితి బాగోలేదని పోలీసులు చెబుతున్నారు.
