Modi-Putin Meeting In Russia | 16వ బ్రిక్స్ ( BRICS ) శిఖరాగ్ర సదస్సు ప్రారంభం అయ్యింది. రష్యా ( Russia ) లోని కజాన్ ( Kazan ) నగరంలో ఈ సదస్సు జరగనుంది.
ఈ సమావేశంలో పాల్గొనేందుకు ప్రధాని మోదీ ( Pm Modi ) రష్యా వెళ్లారు. రష్యా చేరుకున్న అనంతరం అక్కడ లభించిన స్వాగతం పట్ల ప్రధాని మోదీ సంతోషం వ్యక్తం చేశారు. భారత్ రష్యా ల మధ్య చరిత్రాత్మక సంబంధాలు ఉన్నాయని ప్రధాని మరోసారి స్పష్టం చేశారు.
అనంతరం ఆ దేశ అధ్యక్షుడు వ్లాదిమిర్ పుతిన్ ( Vladimir Putin ) తో ద్వైపాక్షిక సమావేశంలో పాల్గొన్నారు. ఈ సందర్భంగా ఓ ఆసక్తికరమైన సంఘటన చోటుచేసుకుంది.
తమ మధ్య బలమైన సంబంధాలు ఉన్నాయని ఒకరి మాటలు మరొకరు అర్ధం చేసుకోవడానికి అనువాదం అవసరం లేదని పుతిన్ వ్యాఖ్యానించారు. ఈ మాటల నేపథ్యంలో ప్రధాని చిరునవ్వు చిందించారు. కాగా పుతిన్ తో సమావేశం అనంతరం చైనా ( China ) అధ్యక్షుడు జిన్పింగ్ ( Xi Jinping )తో మోదీ భేటీ అవనున్నట్లు తెలుస్తోంది.
