WWE Legends Underataker, Kane Endorse Donald Trump | అమెరికా ( USA ) దేశ అధ్యక్ష ఎన్నికలు నవంబర్ 5న జరగనున్నాయి.
డెమోక్రటిక్ పార్టీ ( Democratic Party ) తరఫున వైస్ ప్రెసిడెంట్, భారత సంతతికి చెందిన కమలా హ్యారిస్ ( Kamala Harris ), రిపబ్లికన్ పార్టీ ( Republican Party ) తరఫున మాజీ ప్రెసిడెంట్ డోనాల్డ్ ట్రంప్ ( Donald Trump ) అధ్యక్ష పదవి కోసం పోటీపడుతున్నారు. వీరిద్దరి మధ్య తీవ్ర పోటీ నెలకొంది.
ఈ క్రమంలో ప్రముఖ డబ్ల్యూడబ్ల్యూఈ సూపర్ స్టార్స్ ( WWE Superstars ) అధ్యక్ష అభ్యర్థులకు తమ మద్దతును ప్రకటిస్తున్నారు. డబ్ల్యూడబ్ల్యూఈ స్టార్స్ అండర్టెకర్ ( Undertaker )మరియు కేన్ ( Kane ) తమ మద్దతును డోనాల్డ్ ట్రంప్ కు ప్రకటించారు. ఈ మేరకు ట్రంప్ తో కలిసి ఒక వీడియోను విడుదల చేశారు.
ఎలక్షన్ మేనియా ( Election Mania ) లో ట్రంప్ కు ఓటు వేసి అమెరికా భవిష్యత్ ను కాపాడాలని వారు కోరారు. మరోవైపు మరో డబ్ల్యూడబ్ల్యూఈ స్టార్ బటిస్టా కమలా హారీస్ కు మద్దతు తెలిపారు.
ఇదిలా ఉండగా కేన్ ప్రస్తుతం టెన్నీసీ ( Tenneesee ) రాష్ట్రం నాక్స్ కౌంటీ ( Knox County )కి మేయర్ గా వ్యవహరిస్తున్నారు. ఆయన ట్రంప్ ప్రాతినిధ్యం వహిస్తున్న రిపబ్లికన్ పార్టీ సభ్యుడు.
