Thalapathy Vijay On One Nation One Elections | తమిళగ వెట్రి కజగం ( Tamilaga Vettri Kazhagam ) పార్టీ అధినేత విజయ్ పలు సంచలన నిర్ణయాలు తీసుకున్నారు. ఈ మేరకు చెన్నైలో ఆదివారం విజయ్ ( Vijay ) పార్టీ పలు తీర్మానాలు చేసింది.
ఇందులో ముఖ్యంగా నీట్ ( Neet ) పరీక్షకు వ్యతిరేకంగా తీర్మానం చేశారు. విద్య అనేది ఉమ్మడి జాబితా నుండి రాష్ట్రాల జాబితాకు మార్చినప్పుడే నీట్ రద్దు సాధ్యం అని తెలిపారు. అలాగే కేంద్ర ప్రభుత్వం ఒకే దేశం ఒకే ఎన్నిక అని చేస్తున్న ఆలోచనకు తమ పార్టీ పూర్తి వ్యతిరేకం అని స్పష్టం చేశారు.
ఇది ప్రజాస్వామ్య విలువలకు వ్యతిరేకం అని తెలిపారు. కేంద్రప్రభుత్వం మూడు భాషల విధానం పట్ల కూడా విముఖత వ్యక్తపరిచారు. రాష్ట్రాల స్వీయ గౌరవాన్ని దృష్టిలో పెట్టుకొని గవర్నర్ పదవిని రద్దు చేయాలని తీర్మానం చేశారు.
