Nagarjuna On N Convention | హైదరాబాద్ మాదాపూర్ లోని ఎన్ కన్వెన్షన్ ( N Convention ) ను హైడ్రా ( Hydra )అధికారులు శనివారం కూల్చివేశిన విషయం తెల్సిందే. ఇప్పటికే దీనిపై నాగార్జున ( Akkineni Nagarjuna ) న్యాయస్థానాన్ని ఆశ్రయించారు.
మరోవైపు ఎన్ కన్వెన్షన్ పై వస్తున్న పుకార్లను నమ్మవద్దని నాగార్జున కోరారు.
‘ N-కన్వెన్షన్ కి సంబంధించి వస్తున్న వార్తల్లో వాస్తవాల కంటే, ఊహాగానాలు ఎక్కువ వినిపిస్తున్నాయి . కన్వెన్షన్ నిర్మించబడిన భూమి పట్టా డాక్యుమెంటెడ్ భూమి. ఒక్క సెంట్ భూమి కూడా ఆక్రమించింది కాదు. తుమ్మిడికుంట చెరువు ఆక్రమణకు గురి కాలేదని Special Court, AP Land Grabbing Act, ద్వారా జడ్జిమెంట్ ఇవ్వటం జరిగింది. ప్రస్తుతం , నిర్మాణం చట్టబద్ధతపై నిర్ణయాధికారం కోసం గౌరవ హైకోర్టుని ఆశ్రయించటం జరిగింది. న్యాయస్థానం తీర్పు కి నేను కట్టుబడి ఉంటాను. అప్పటి వరకు, ఊహాగానాలు, ఎలాంటి పుకార్లు, అవాస్తవాలు నమ్మవద్దని నేను మిమ్మల్ని సవినయంగా అభ్యర్ధిస్తున్నాను ‘ అని నాగార్జున పేర్కొన్నారు.
