Naga Chaitanya-Sobhitha Wedding | టాలీవుడ్ ( Tollywood ) ప్రముఖ నటుడు నాగ చైతన్య, నటి శోభితా ధూళిపాళ్ల పెళ్లి పనులు మొదలయ్యాయి.
చైతన్య శోభితా చాలా కాలం మంచి స్నేహితులుగా ఉన్నారు. ఇరు కుటుంబాల పెద్దల సమ్మతితో ఆగస్ట్ 8న వీరి నిశ్చితార్థం హైదరాబాద్ లో జరిగింది. అక్కినేని నాగార్జున ( Akkineni Nagarjuna ) నివాసంలో జరిగిన ఈ వేడుకకు కుటుంబ పెద్దలు, అత్యంత సన్నిహితులు మాత్రమే పాల్గొన్నారు.
త్వరలోనే వీరిద్దరూ పెళ్లిపీఠలు ఎక్కనున్నారు. తాజాగా పెళ్లి పనులు ప్రారంభం అయ్యాయి. పసుపు దంచుతున్న ఫోటోలను శోభితా సోషల్ మీడియా ( Social Media ) ద్వారా షేర్ చేశారు.
గోధుమరాయి పసుపు దంచటంతో పెళ్లి పనులు మొదలయ్యాయి అంటూ శోభితా కాప్షన్ ( Caption ) ఇచ్చారు. వీటికి సంబంధించిన ఫోటోలు వైరల్ గా మారాయి. పెళ్లి ఎప్పుడు, ఎక్కడ జరగనుంది అంటూ అభిమానులు అడుగుతున్నారు.
