KTR Condems Attack On Harish Rao | ఖమ్మం ( Khammam ) లో వరద బాధితులను పరామర్శించేందుకు మాజీ మంత్రులు హరీష్ రావు ( Harish Rao ), సబితా ఇంద్రారెడ్డి, పువ్వాడ అజయ్ తదితరులు వెళ్లారు.
ఈ క్రమంలో గుర్తుతెలియని వ్యక్తులు హరీష్ రావు కారుపై రాళ్లతో దాడి చేశారు. ఈ నేపథ్యంలో స్పందించిన బీఆరెస్ వర్కింగ్ ప్రెసిడెంట్ కేటీఆర్ ( KTR ) ఈ దాడిని ఖండించారు.
దాడి చేయడం కాంగ్రెస్ అసహనానికి నిదర్శనమని మండిపడ్డారు. ప్రజలకు సాయం చేయడం చేతగాక, సాయం చేస్తున్న వాళ్లను చూసి ఓర్వలేకే ఈ దాడికి తెగబడ్డారని విమర్శించారు.
మీరు ప్రజలను నిర్లక్ష్యం చేస్తే వారికి అండగా ఉండటమే తప్పా? అని ప్రశ్నించారు. ఈ దాడికి ముఖ్యమంత్రి ( Cm Revanth ) సహా కాంగ్రెస్ ప్రభుత్వం బాధ్యత వహించాలని డిమాండ్ చేశారు.
కాంగ్రెస్ చేతగాని, దద్దమ్మ పాలనను ప్రజలు గమనిస్తున్నారని, సరైన సమయంలో కాంగ్రెస్ కు బుద్ధి చెప్పడం ఖాయమన్నారు.
