Actor Vijay’s wife Sangeetha files for divorce | నటుడు, తమిళగ వెట్రి కళగం పార్టీ వ్యవస్థాపక అధ్యక్షుడు విజయ్ కు బిగ్ షాక్ ఎదురైంది. విజయ్ నుండి విడాకులు కోరుతూ సతీమణి సంగీత కోర్టులో పిటిషన్ దాఖలు చేశారు. ఈ మేరకు తమిళనాడులోని చెంగల్ పట్టు జిల్లా కోర్టులో విడాకుల పిటిషన్ దాఖలు చేశారు. 1999 ఆగస్ట్ లో విజయ్-సంగీతకు వివాహం అయ్యింది. వీరికి జేసన్ సంజయ్, దివ్య ఇద్దరు పిల్లలు. అయితే పెళ్ళైన 25 ఏళ్ల తర్వాత విడాకులు కోరడం చర్చనీయాంశంగా మారింది. సంగీత తన విడాకుల పిటిషన్ లో విజయ్ వివాహేతర సంబంధం పెట్టుకున్నట్లు ఆరోపించడం సంచలనంగా మారింది.
ఓ మహిళా నటీమణితో వివాహేతర బంధంలో విజయ్ ఉన్నట్లు 2021లోనే సంగీత గుర్తించిందని పిటిషన్ ద్వారా తెలుస్తోంది. అయితే తన పద్ధతి మార్చుకుంటానని విజయ్ చెప్పారని అయినప్పటికీ వివాహేతర బంధాన్ని కొనసాగిస్తున్న నేపథ్యంలోనే విడాకులు కోరుతున్నట్లు పిటిషన్ లో సంగీత పేర్కొన్నారు. ప్రస్తుతం ఈ అంశం తమిళనాట సంచలనంగా మారింది. 2026 మధ్యలో రాష్ట్ర శాసనసభ ఎన్నికలకు సిద్ధం అవుతున్న విజయ్ కి వ్యక్తిగతంగా, మానసికంగా ఇది భారీ షాక్ అని కథనాలు వస్తున్నాయి.
