Russia’s Vladimir Putin Likely To Visit India | రష్యా అధ్యక్షడు పుతిన్ డిసెంబర్ నెలలో భారతదేశంలో పర్యటించనున్నారు. డిసెంబర్ 5, 6 తేదీల్లో ఈ పర్యటన ఉంటుందని అధికారిక వర్గాలు వెల్లడించాయి. ఓ వైపు అమెరికా అధ్యక్షుడు సుంకాలతో భారత్ పై విరుచుకుపడుతున్నారు.
అలాగే రష్యా నుంచి ఇండియా చమురు కొనుగోలు చేయడం ద్వారా ఉక్రెయిన్ తో యుద్ధానికి సహకరిస్తుందని ఆరోపణలు చేస్తున్న సమయంలో పుతిన్ భారత పర్యటన ఆసక్తిగా మారనుంది. పర్యటన సందర్భంగా పుతిన్-ప్రధానమంత్రి నరేంద్రమోదీ మధ్య ద్వైపాక్షిక భేటీ జరగనుంది. కాగా పుతిన్ భారత్ లో పర్యటిస్తారని జాతీయ భద్రతా సలహాదారు అజిత్ దోవల్ ఆగస్ట్ నెలలోనే ప్రకటించిన విషయం తెల్సిందే.
అయితే అప్పటికి తేదీలు ఇంకా ఖరారు కాలేదు. ఈ ఏడాది జులైలో ప్రధాని రష్యాలో పర్యటించిన విషయం తెల్సిందే. అనంతరం అక్టోబర్ లో బ్రిక్స్ సదస్సులో భాగంగా కజాన్ వేదికగా ఇరువురు మరోసారి భేటీ అయ్యారు. తాజగా చైనాలో షాంఘై సహకార సదస్సు జరిగింది. ఈ సందర్భంగానూ పుతిన్-మోదీ మధ్య ద్వైపాక్షిక భేటీ జరిగింది.
