Income Tax Raids At Sukumar’s House And Office | తెలుగు సినిమా ప్రముఖుల ఇళ్లల్లో రెండవ రోజు ఐటీ సోదాలు కొనసాగుతున్నాయి.
మంగళవారం ప్రముఖ నిర్మాత, తెలంగాణ ఎఫ్డీసీ ( FDC ) ఛైర్మన్ దిల్ రాజు ( Dil Raj ) నివాసం, కార్యాలయంలో ఐటీ అధికారులు సోదాలు చేపట్టారు. అలాగే మైత్రి మూవీస్, మ్యాంగో మీడియా ఆఫీసుల్లో కూడా తనికీలీ మొదలుపెట్టారు. రెండవరోజు కూడా ఈ సోదాలు కొనసాగుతున్నాయి.
మరోవైపు బుధవారం దర్శకుడు సుకుమార్ ( Sukumar ) ఇంట్లో ఐటీ అధికారులు సోదాలు చేస్తున్నారు. ఎయిర్పోర్ట్ ( Airport ) నుండి సుకుమార్ ను ఇంటికి తీసుకెళ్లిన అధికారులు ఆర్థిక లావాదేవీలకు సంబంధించిన పత్రాలను పరిశీలిస్తున్నారు.
పుష్ప-2 సినిమాకు సంబంధించి రెమ్యునరేషన్, ఆదాయ వివరాలు ఆరా తీస్తున్నట్లు తెలుస్తోంది. కాగా ప్రస్తుతం ఐటీ సోదాలు జరుగుతున్న సంస్థల ద్వారా ఇటీవల బ్లాక్ బస్టర్ సినిమాలు వచ్చిన విషయం తెల్సిందే.
సుకుమార్ దర్శకత్వంలో మైత్రి మూవీస్ తెరకెక్కించిన పుష్ప-2 ( Pushpa-2 ) కలెక్షన్ల సునామీని సృష్టించిన విషయం తెల్సిందే. మరోవైపు సంక్రాంతి కానుకగా వచ్చిన ‘సంక్రాంతికి వస్తున్నాం’ ( Sankranthiki Vastunnam ) మూవీ కూడా భారీ కలెక్షన్లను రాబడుతుంది. ఈ మూవీని దిల్ రాజు తెరకెక్కించారు.
