Aadhaar Update Service | ఆధార్ కార్డులో (Aadhaar Card Updates) అప్ డేట్స్ సేవలకు సంబంధించి కేంద్ర ప్రభుత్వం గుడ్ న్యూస్ చెప్పింది. ఆధార్ కార్డులో వివరాలను ఉచితంగా అప్ డేట్ చేసుకునేందుకు ఉన్న గడువును మరోసారి పొడిగించింది.
వాస్తవానికి ఉచితంగా ఆధార్ అప్ డేట్ చేసుకునేందుకు చివరి తేది 2024 జూన్ 14 వరకే ఉంది. జూన్ 14 తర్వాత నిర్ణీత రుసుం చెల్లించి ఆధార్ కార్లులో పేర్లు, పుట్టిన తేదీ, చిరునామా వంటివి అప్ డేట్ చేసుకోవాల్సి ఉంది.
కానీ ఈ ఉచిత అప్ డేట్ గడువును తాజాగా కేంద్రం మరోసారి పొడిగించింది. గతంలో వరుసగా ప్రతి సారీ 3 నెలల చొప్పున పెంచుకుంటూ వచ్చిన యూఐడీఏఐ మరోసారి 3 నెలలు గడువు పొడిగిస్తున్నట్లు ప్రకటించింది. దీంతో ఇప్పుడు ఆధార్ కార్డు ఫ్రీ అప్డేట్ ఆఖరి తేదీ 2024, సెప్టెంబర్ 14 వరకు ఉంది.
