Donald Trump News | అమెరికా అధ్యక్షుడు డోనాల్డ్ ట్రంప్ రైతుగా మారితే అచ్చం ఇలానే ఉంటాడేమో అనే విధంగా ఉన్న ఒక వీడియో నెట్టింట్లో తాజగా వైరల్ గా మారింది.
జనవరిలో అమెరికా అధ్యక్ష పగ్గాలు చేపట్టిన ట్రంప్ సంచలన నిర్ణయాలతో ప్రపంచాన్నే పరేషాన్ చేస్తున్నారు. వృత్తిరీత్యా వ్యాపారవేత్త అయిన ట్రంప్ సూట్ ధరించి ఎప్పుడూ సీరియస్ గా ఉంటారు. కానీ కొందరు ఆర్టిఫిషియల్ ఇంటెలిజెన్స్ సహాయంతో ట్రంప్ ను భారతదేశంలోని ఓ రైతుగా మార్చారు.
ఈ వీడియో నెటీజన్లను విశేషంగా ఆకట్టుకుంటుంది. ఇందులో పల్లెటూరులో సైకిల్ పై గడ్డిమోపు తీసుకెళ్తున్నట్లు ట్రంప్ కనువిందు చేశారు. అలాగే ఆవులను తోలుకెళ్తూ, చెట్టెక్కి పూలను కొస్తూ, పిల్లలకు బహుమతులు ఇస్తున్న ఓ తాతగా ట్రంప్ ను రూపొందించారు. ఆ అందమైన వీడియోకు గ్రామీణ నేపథ్యంలో తెరకెక్కిన ‘బలగం’ మూవీ పాటను జోడించారు.
