Chris Martin Says He Is From Telangana | ప్రముఖ ఇంగ్లీష్ మ్యూజిక్ బ్యాండ్ ‘ కోల్డ్ ప్లే’ ( Cold Play ) గురించి ప్రత్యేకంగా చెప్పనక్కర్లేదు. ప్రపంచ వ్యాప్తంగా ఉన్న యువతను ఈ బ్యాండ్ ఉర్రూతలుగిస్తుంది.
భారత్ లో రెండు చోట్ల జరిగిన కోల్డ్ ప్లే ఈవెంట్స్ కు భారీ స్పందన వచ్చింది. తొలుత కోల్డ్ ప్లే ఈవెంట్ ముంబైలో జరగగా బాలీవుడ్ మరియు పారిశ్రామిక ప్రముఖులు హాజరై సందడి చేశారు. తాజగా గుజరాత్ అహ్మదాబాద్ లో ఆదివారం కోల్డ్ ప్లే సెకండ్ ఈవెంట్ ( Cold Play Second Event ) ఉత్సాహంగా జరిగింది.
టీం ఇండియా స్టార్ బౌలర్ జస్ప్రీత్ బుమ్రా ( Jasprit Bumrah ) ముఖ్య అతిథిగా ఈ ఈవెంట్ కు హాజరయ్యారు. అయితే ఈవెంట్ సందర్భంగా సింగర్ క్రిస్ మార్టిన్ ( Chris Martin ) చేసిన వ్యాఖ్యలు ప్రస్తుతం వైరల్ గా మారాయి.
ఈ సందర్భంగా ‘మీ అందరికీ తెలుసు నేను తెలంగాణ వాడిని’ అంటూ క్రిస్ మార్టిన్ వ్యాఖ్యానించారు. దింతో అక్కడ ఉన్న ప్రేక్షకులు హర్షధ్వానాలతో సందడి చేశారు.
