DMK DMDK Alliance | తమిళనాడు(Tamilnadu)లో అసెంబ్లీ ఎన్నికల సమీపిస్తున్న వేళ రాష్ట్ర రాజకీయాల్లో కీలక పరిణామాలు చోటు చేసుకుంటున్నాయి. భిన్న ధ్రువాలు ఏకమయ్యాయి. అధికార విపక్ష పార్టీ కలిసిపోయాయి.
ఇప్పటివరకు ప్రత్యర్థులుగా ఉన్న డిఎంకే (DMK), డీఎండీకే (DMDK) పార్టీల మధ్య పొత్తు కుదిరింది. గురువారం చెన్నైలోని సీఎం ఎం.కె.స్టాలిన్ (CM Stalin) నివాసంలో డీఎండీకే అధినేత్రి ప్రేమలత విజయకాంత్ ఆయనతో సమావేశమయ్యారు.
ఈ భేటీ తర్వాత ఇరు పార్టీలు కలిసి పనిచేయనున్నట్టు అధికారికంగా ప్రకటించారు. ఈ సందర్భంగా డీఎండీకే అధినేత్రి ప్రేమలత మాట్లాడుతూ ద్రావిడ మోడల్ పాలన కొనసాగేందుకు, రాష్ట్ర అభివృద్ధి కోసం కలిసి పనిచేయాలని నిర్ణయించుకున్నట్లు తెలిపారు.
కెప్టెన్ విజయకాంత్ (Captain Vijaykanth) జీవించి ఉన్నప్పుడే ఈ కూటమి ఏర్పడాల్సిందన్న ఆమె, పదేళ్ల తర్వాత అది సాధ్యమైందని పేర్కొన్నారు. తమ కూటమి 200కు పైగా స్థానాల్లో గెలుపొందుతుందని ఆశాభావం వ్యక్తం చేశారు.
కాగా, 2011 నుంచి డీఎండీకే పార్టీ అన్నాడీఎంకే మిత్రపక్షంగా కొనసాగింది. ఈ పొత్తులో భాగంగా డీఎండీకేకు 7 అసెంబ్లీ స్థానాలతో పాటు ఒక రాజ్యసభ సీటును కేటాయించన్నట్లు తెలుస్తోంది.
