Putin and Xi hold video call in show of unity hours after Trump inauguration | అమెరికా దేశ 47వ అధ్యక్షుడిగా డోనాల్డ్ ట్రంప్ ( Donald Trump ) సోమవారం ప్రమాణ స్వీకారం చేసిన విషయం తెల్సిందే.
ఇదే సమయంలో అమెరికా ప్రత్యర్థి దేశాల అధినేతలు వీడియో కాల్ లో మాట్లాడుకున్నారు. రష్యా అధినేత వ్లాదిమిర్ పుతిన్ ( Vladimir Putin ) , చైనా అధ్యక్షుడు జిన్ పింగ్ ( Xi Jinping ) వీడియో కాల్ ద్వారా చర్చలు జరుపుకున్నారు.
జిన్ పింగ్ ను ‘మై డియర్ ఫ్రెండ్’ ( My Dear Friend )అంటూ సంభోదించిన పుతిన్ ఇరుదేశాల మధ్య సంబంధాలను మరింత వృద్ధి చేసుకోవాలన్నారు. ఈ పరిణామం అంతర్జాతీయంగా చర్చకు దారి తీసింది.
కాగా ప్రమాణ స్వీకారం అనంతరం ట్రంప్ మీడియా సమావేశం నిర్వహించి రష్యా అధినేత వ్లాదిమిర్ పుతిన్ పై తీవ్ర స్థాయిలో మండిపడ్డారు. ఉక్రెయిన్-రష్యా యుద్దానికి ముగింపు పలికేలా ఒప్పందం చేసుకోవాలని చెప్పారు.
కానీ పుతిన్ సంధి కుదుర్చుకోకుండా రష్యాను నాశనం చేస్తున్నాడని మండిపడ్డారు. అయితే త్వరలోనే తాను పుతిన్ తో భేటీ అవనున్నట్లు పేర్కొన్నారు. ఇదిలా ఉండగా అమెరికా చైనాను ఎకనమీ ( Economy ) మరియు ఇతర విషయంలో పోటీదారుగా భావిస్తుండగా, రష్యాను పెద్ద ముప్పుగా పరిగణిస్తుంది.
