Pawan Kalyan distributes 12 Thousand Sarees | పిఠాపురం ( Pitapuram ) ఆడపడుచులకు డిప్యూటీ సీఎం, స్థానిక ఎమ్మెల్యే పవన్ కళ్యాణ్ ( Deputy Cm Pawan Kalyan ) సొంత డబ్బులతో 12 వేల చీరలను, పసుపు, కుంకుమను కానుకగా అందించారు.
శ్రావణ మాసం చివరి శుక్రవారం పిఠాపురంలోని శక్తిపీఠం శ్రీ పురూహూతిక అమ్మవారి ఆలయం ( Sri Puruhutika Devi temple )లో సంప్రదాయబద్ధంగా వరలక్ష్మీ వ్రత పూజలు నిర్వహించారు.
పవన్ కళ్యాణ్ తరఫున ఆయన వదిన, జనసేన రాష్ట్ర ప్రధాన కార్యదర్శి నాగబాబు ( Nagababu ) సతీమణి పద్మజ మరియు శాసన మండలి సభ్యులు పిడుగు హరిప్రసాద్ ( Pidugu Hariprasad ) వరలక్ష్మీ వ్రతంలో పాల్గొన్న ఆడపడుచులందరికీ పసుపు, కుంకుమ, చీరలు కానుకగా అందజేశారు.
పద్మజ ప్రతి ఒక్కరికీ బొట్టు పెట్టి మరీ సారె అందచేశారు. అనంతరం సామూహిక వరలక్ష్మీ వ్రత కార్యక్రమాలు ప్రారంభించారు. సామూహిక వరలక్ష్మీ వ్రతాల నేపధ్యంలో ఉదయం 5 గంటల నుంచే పురూహూతిక అమ్మవారి ఆలయం వద్ద భక్తులు బారులు తీరారు.
వందాలాదిగా తరలివచ్చి భక్తి శ్రద్దలతో వ్రతమాచరించారు. భక్తుల రద్దీ ఎక్కువగా ఉన్న నేపధ్యంలో మూడు బ్యాచులుగా వ్రతాలు నిర్వహించే విధంగా ఆలయ అధికారులు ఏర్పాట్లు చేశారు.
