Pawan As Deputy CM | ఆంధ్రప్రదేశ్ (Andhra Pradesh) రాష్ట్ర నూతన కాబినెట్ ఇటీవలే కొలువుదీరిన విషయం తెల్సిందే. ఈ క్రమంలో మంత్రులకు శుక్రవారం శాఖలు ఖరారు చేశారు.
లా అండ్ ఆర్డర్ మరియు పబ్లిక్ ఎంటర్ప్రైసెస్ శాఖను సీఎం చంద్రబాబు తన వద్దే ఉంచుకున్నారు. అనూహ్యంగా వంగలపూడి అనితకు హోంమంత్రిగా బాధ్యతలు అప్పగించారు.
మానవ వనరుల అభివృద్ధి మరియు అందరూ ఎంతో ఉత్కంఠగా ఎదురుచూస్తున్న ఐటీ శాఖను నారా లోకేష్ కు కేటాయించారు. ఆర్థిక మంత్రిగా సీనియర్ నేత పయ్యావుల కేశవ్, హ్యాట్రిక్ ఎమ్మెల్యే నిమ్మల రామానాయుడుకి నీటిపారుదల శాఖ అప్పగించారు.
జనసేన అధినేత పవన్ కళ్యాణ్ కు ఆంధ్రప్రదేశ్ డిప్యూటీ సీఎం హోదాను కల్పించారు. అంతేకాకుండా ఈ పిఠాపురం ఎమ్మెల్యేకు పంచాయతీ రాజ్, గ్రామీణ అభివృద్ధి, అటవీ, పర్యావరణం తదితర శాఖలు లభించాయి.
