Heavy Rain Alert | తెలంగాణ వ్యాప్తంగా భారీ వర్షాలు (Telangana Rains) ముంచెత్తుతున్నాయి. అల్పపీడన ప్రభావంతో బుధ గురు వారాల్లో రాష్ట్రంలో భారీ నుండి అతి భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం హెచ్చరించింది.
ముఖ్యంగా సంగారెడ్డి, వికారాబాద్, యాదాద్రి భువనగిరి, హైదరాబాద్, మెదక్, మేడ్చల్-మల్కాజిగిరి, ఖమ్మం, భద్రాద్రి, ములుగు, భూపాలపల్లి జిల్లాలకు రెడ్ అలర్ట్, అనేక జిల్లాలకీ ఆరెంజ్, ఎల్లో హెచ్చరికలు జారీ చేశారు. జీహెచ్ఎంసీ పరిధిలో ఇవాళ రెడ్, రేపు ఆరెంజ్ అలర్ట్ అమల్లో ఉంటుంది.
భారీ వర్షాల నేపథ్యంలో రానున్న 72 గంటలపాటు రాష్ట్ర ప్రజలంతా అప్రమత్తంగా ఉండాలని ప్రభుత్వం సూచించింది. అధికారులు, సిబ్బంది సెలవులు రద్దు చేసి, అత్యవసర సిబ్బందిని సిద్ధంగా ఉంచారు. వర్షాల ప్రభావంతో ఐదు జిల్లాల్లో రెండు రోజుల పాటు పాఠశాలలకు సెలవులు ప్రకటించగా, జీహెచ్ఎంసీ పరిధిలో ఒంటిపూట బడులు నిర్వహించనున్నారు.
