Mega DSC in AP | ఆంధ్రప్రదేశ్ ముఖ్యమంత్రిగా టీడీపీ (TDP) అధినేత చంద్రబాబు నాయుడు బాధ్యతలు స్వీకరించారు. రాష్ట్ర సచివాలయం మొదటి బ్లాక్ లోని సీఎం ఛాంబర్ లో వేద పండితుల మంత్రోచ్ఛరణ మధ్య సీఎంగా బాబు బాధ్యతలు చేపట్టారు.
ఈ సందర్భంగా ఎన్నికల ప్రచారంలో భాగంగా ఇచ్చిన హామీ మేరకు మెగా డీఎస్సి ఫైలు పై తొలి సంతకం చేశారు. ఈ మెగా డీఎస్సీ ద్వారా రాష్ట్రవ్యాప్తంగా 16,347 పోస్టుల భర్తీకి గ్రీన్ సిగ్నల్ ఇచ్చారు చంద్రబాబు.
అనంతరం ఏపీ ఎన్నికల్లో తీవ్ర ప్రభావం చూపిన ల్యాండ్ టైటిలింగ్ యాక్ట్ రద్దుపై రెండో సంతకం, రూ. 4 వేలకు పెన్షన్ల పెంపుపై మూడో సంతకం, అన్న క్యాంటీన్ల పునరుద్దరణపై నాలుగో సంతకం, స్కిల్ సెన్సెస్ ఫైలుపై ఐదో సంతకం చేశారు ముఖ్యమంత్రి చంద్రబాబు.
