చిన్నారి ప్రాణాలు నిలబెట్టిన నటి!
Sruthi Hassan Help A Girl | ప్రముఖ నటి శ్రుతి హాసన్ (Sruthi Hassan) తన గొప్ప మనసును చాటుకున్నారు. ఓ చిన్నారి ప్రాణాలను నిలబెట్టడానికి అండగా నిలిచారు. అరుదైన వ్యాధితో బాధపడుతున్న ఓ చిన్నారి వైద్యానికి సహాయం చేశారు.
సకాలంలో ఆమె అందించిన సహాయంతో ఆ చిన్నారి ప్రాణాలు నిలబెట్టారు. వివరాల్లోకి వెళితే, ‘ఆళ్వి’ అనే చిన్నారి మెండెలియన్ ససెప్టబిలిటీ టు మైకోబాక్టీరియల్ డిసీజెస్ అనే అరుదైన జన్యు సంబంధిత వ్యాధితో బాధపడుతోంది.
ఆ చిన్నారికి అత్యవసరంగా బోన్మ్యారో ట్రాన్స్ ప్లాంట్ చేయాలని వైద్యులు సూచించారు. ఈ విషయం శ్రుతి హాసన్ దృష్టికి రావడంతో వెంటనే స్పందించి ఆ కుటుంబానికి అండగా నిలిచారు. చిన్నారి చికిత్సకు అవసరమైన ఆర్థిక సహాయం అందించారు.
శ్రుతి చొరవతో ఆ చిన్నారికి శస్త్రచికిత్స విజయవంతంగా పూర్తయి ప్రస్తుతం కోలుకుంది. ఆళ్వితో శృతిహాసన్ ఆడుకుంటున్న వీడియో సోషల్ మీడియాలో వైరల్ అవుతోంది. శృతిహాసన్ గొప్ప మనసుకు అభిమానులు ప్రశంసలు కురిపిస్తున్నారు.
