Pak Captain Mohammad Rizwan praises Virat Kohli | పాకిస్తాన్ పై రన్ మెషీన్ విరాట్ కోహ్లీ చెలరేగిపోయిన విషయం తెల్సిందే. ఈ క్రమంలో పాక్ కెప్టెన్ ( Pakistan Captain ) విరాట్ పై ప్రశంసల వర్షం కురిపించారు.
ఐసీసీ ఛాంపియన్స్ ట్రోఫీ ( ICC Champions Trophy )లో భాగంగా ఆదివారం దుబాయ్ వేదికగా టీం ఇండియా పాకిస్తాన్ తో తలపడింది. పాక్ పై భారత్ ఆరు వికెట్ల తేడాతో ఘన విజయం సాధించింది. ఈ క్రమంలో విరాట్ కోహ్లీ సెంచరీతో ఆదరగొట్టి, టీం ఇండియాకు సెమీస్ బెర్తు దాదాపు ఖరారు చేశారు.
కాగా మ్యాచ్ అనంతరం పాక్ కెప్టెన్ మహ్మద్ రిజ్వాన్ ( Mohammad Rizwan ) కోహ్లీపై కీలక వ్యాఖ్యలు చేశారు. విరాట్ కోహ్లీని ఔట్ చేయడానికి పాక్ బౌలర్లు ఎంతగానో ప్రయత్నించారని కానీ అతడు అద్భుతమైన షాట్లు కొడుతూ మ్యాచ్ ను భారత్ వైపు తీసుకెళ్లాడని పేర్కొన్నారు.
ఈ మ్యాచ్ కోసం కోహ్లీ చాలా కష్టపడి ఉంటారని, ఆయన హార్డ్ వర్క్ ( Hard Work ) చూసి తాను చాలా ఆశ్చర్య పోయినట్లు పాక్ కెప్టెన్ చెప్పారు. కోహ్లీ ఫార్మ్ లో లేదని అందరూ అన్నారు, కానీ పెద్ద మ్యాచ్ లో సెంచరీ చేశాడని ప్రశంసించారు. కోహ్లీ ఫిట్నెస్ ( Fitness ) ను కచ్చితంగా మెచ్చుకోవాలని రిజ్వాన్ చేసిన కామెంట్స్ వైరల్ గా మారాయి.
