Man joins virtual Gujarat High Court hearing from toilet seat | గుజరాత్ హైకోర్టు వర్చువల్ విచారణలో ఒక వ్యక్తి టాయిలెట్లో కూర్చొని కనిపించిన వీడియో సోషల్ మీడియాలో వైరల్ అయింది.
ఈ సంఘటన జూన్ 20న జస్టిస్ నిర్జర్ ఎస్. దేశాయ్ బెంచ్ ముందు జరిగింది. సదరు వ్యక్తి ‘సమద్ బ్యాటరీ’ పేరుతో లాగిన్ అయి, బ్లూటూత్ ఇయర్ఫోన్ మెడలో వేసుకుని మొదట్లో కనిపించాడు. ఆ తర్వాత అతను ఫోన్ను దూరంగా ఉంచడంతో, అతను టాయిలెట్లో కూర్చొని ఉన్నట్లు స్పష్టంగా కనిపిస్తుంది.
తనను తాను శుభ్రం చేసుకుని, ఆ తర్వాత బాత్రూమ్ నుంచి బయటకు వెళ్ళాడు. కొంత సమయం స్క్రీన్ నుంచి మాయమై, తిరిగి మళ్ళీ కెమెరా ముందుకు వచ్చాడు. ఇది నెటిజన్లు ఫన్నీగా రియాక్ట్ అవుతున్నారు.
కోర్టు రికార్డుల ప్రకారం, ఆ వ్యక్తి తనపై నమోదైన క్వాష్ పిటిషన్ ను రద్దు చేయాలని కోరుతూ జరుగుతున్న కేసులో ప్రతివాదిగా హాజరయ్యాడు. అతను ఆ క్రిమినల్ కేసులో ఫిర్యాదిదారుడు. రెండు పక్షాల మధ్య సామరస్యపూర్వక పరిష్కారం జరిగిన తర్వాత, కోర్టు ఆ ఎఫ్ఐఆర్ను రద్దు చేసింది.
ఆన్లైన్ కోర్టు విచారణల సమయంలో అనుచిత ప్రవర్తన ఇది మొదటి సంఘటన కాదు. గత ఏప్రిల్లో గుజరాత్ హైకోర్టు, వీడియో కాన్ఫరెన్సింగ్ ద్వారా హాజరైన ఒక వ్యక్తి సిగరెట్ తాగుతూ కనిపించడంతో అతనిపై న్యాయస్థానం 50,000 జరిమానా విధించింది.
