Kolkata Rape-Murder Accused Sanjay Roy | కోల్కత్త ( Kolkata ) లోని ఆర్ జి కర్ ( RG Kar ) మెడికల్ హాస్పిటల్ మరియు కాలేజీలో జూనియర్ వైద్యురాలిపై జరిగిన హత్యాచార ఘటన యావత్ దేశాన్ని కుదిపేసింది. ఈ క్రమంలో న్యాయం కావాలంటూ వైద్యులు నిరసనలు చేస్తున్నారు.
మరోవైపు ఈ కేసులో ప్రధాన నిందితుడు సంజయ్ రాయ్ ( Sanjay Roy ) సంచలన వ్యాఖ్యలు చేసాడు. హత్యాచార కేసు విచారణలో భాగంగా సంజయ్ రాయ్ ని సోమవారం సీల్దా కోర్టుకు తరలించారు.
ఈ కేసు మొత్తం కోల్కత్త మాజీ పోలీసు కమిషనర్ వినీత్ గోయల్ ( Vineet Goel ) కుట్ర అని అతడు ఆరోపించాడు. ఈ కేసులో తనను ఇరికించారని మీడియాకు చెప్పాడు. పోలీసులు సంజయ్ ని వ్యాన్ ( Police Van ) లో తరలిస్తున్న సమయంలోనే అతడు ఈ వ్యాఖ్యలు చేసాడు.
