Ex minister and Minister play Cricket | ప్రస్తుతం తెలంగాణ రాజకీయాల్లో అధికార, ప్రతిపక్షాల మధ్య వాడివేడి వాతావరణం ఉంది. ఇరు పక్షాల నేతల మధ్య పచ్చ గడ్డి వేస్తే భగ్గుమనేంతలా మాటల యుద్దం జరుగుతోంది. ఇలాంటి పరిస్థితుల మధ్య అధికార, ప్రతిపక్ష నేతల మధ్య ఓ ఆసక్తికర సన్నివేశం చోటు చేసుకుంది. బీఆర్ఎస్, కాంగ్రెస్ పార్టీల కీలక నేతలు మంత్రి, మాజీ మంత్రి ఓ కార్యక్రమంలో సరదాగా క్రికెట్ ఆడి అందరినీ అలరించారు. ఆదివారంయూసఫ్ గూడ పోలీసు పరేడ్ గ్రౌండ్లో నిర్వహించిన డిజిటల్ మీడియా ప్రీమియర్ లీగ్ జెర్సీ ఆవిష్కరణ కార్యక్రమంలో మంత్రి పొన్నం ప్రభాకర్.. మాజీ మంత్రి హరీశ్ రావు ఇద్దరూ పాల్గొన్నారు. ఈ సందర్భంగా ఇద్దరూ సరదాగా క్రికెట్ ఆడారు. మంత్రి పొన్నం ప్రభాకర్ బౌలింగ్ చేయగా, మాజీ మంత్రి హరీశ్ రావు బ్యాటింగ్ చేశారు. దీనికి సంబంధించిన వీడియో సోషల్ మీడియాలో వైరల్ అవుతోంది. నెటిజన్లు ఫన్నీగా కామెంట్స్ చేస్తున్నారు.
