Deputy Cm Pawan Kalyan News | ఆంధ్రప్రదేశ్ డిప్యూటీ సీఎం, జనసేనాని పవన్ కళ్యాణ్ అభిమానుల గురించి ప్రత్యేకంగా చెప్పనక్కర్లేదు. పవన్ కు యువతలోనే ఎక్కువ ఫాలోయింగ్ ఉందని అనుకుంటే అది పొరపాటే అవుతుంది.
వయస్సుతో సంబంధం లేకుండా పవన్ కు అభిమానులు ఉన్నారని మరోసారి నిరూపితం అయ్యింది. పిఠాపురం నియోజకవర్గం, యు.కొత్తపల్లి మండలం కొత్త ఇసుకపల్లికి చెందిన 96 ఏళ్ల పోతుల పేరంటాలు , పవన్ కళ్యాణ్ మీద అభిమానంతో, సార్వత్రిక ఎన్నికల్లో ఆయన విజయం సాధించాలని వేగులమ్మ తల్లికి పొర్లు దండాలు పెట్టి, అమ్మవారికి గరగ చేయిస్తానని మొక్కుకున్నారు.
తన పింఛను సొమ్ము నుంచి రూ.2,500 చొప్పున పోగు చేసి, రూ.27వేలతో గరగ చేయించి సమర్పించారు. ఆమెకు తనతో కలిసి భోజనం చేయాలని ఉందని తెలిసిన వెంటనే, పవన్ కళ్యాణ్ శుక్రవారం పేరంటాలుని క్యాంప్ కార్యాలయానికి ఆహ్వానించి, ఆవిడతో కలిసి భోజనం చేశారు. అనంతరం చీరను, రూ.లక్ష రూపాయల నగదును ఆమెకు అందించారు.
