Jr. NTR Video Call With Fan | ఏపీకి చెందిన కౌశిక్ ( Koushik ) అనే వ్యక్తి గత కొన్నిరోజులుగా బోన్ క్యాన్సర్ ( Bone Cancer ) తో తీవ్రంగా బాధపడుతున్నారు.
ఈ క్రమంలో తాను జూనియర్ ఎన్టీఆర్ ( Jr. NTR ) కు వీరాభిమానినని, దేవర ( Devara ) సినిమా చూసేంతవరకైనా తనను బ్రతికించాలని సదరు అభిమాని వైద్యులను వేడుకున్నాడు.
మరోవైపు తన కుమారుడి వైద్యానికి సహాయం చేయాలంటూ కౌశిక్ తల్లి మీడియా ముఖంగా కన్నీటిపర్యంతం అయ్యారు. దీనికి సంబంధించిన వీడియోలు వైరల్ గా మారాయి.
ఎట్టకేలకు ఈ విషయం యంగ్ టైగర్ ఎన్టీఆర్ దృష్టికి వెళ్ళింది. ఈ నేపథ్యంలో కౌశిక్ తో ఎన్టీఆర్ వీడియో కాల్ ద్వారా మాట్లాడారు. ఏ మాత్రం భయపడొద్దని భరోసా ఇచ్చారు.
ఎప్పూడూ ధైర్యంగా ఉండాలని చెప్పారు. అలాగే తాను అండగా ఉంటానని భరోసా ఇచ్చారు. ఎన్టీఆర్ వీడియో కాల్ ద్వారా మాట్లాడడంతో అభిమాని కౌశిక్ ఆనందానికి అవధులు లేవు.
