Threats For Shahrukh Khan | బాలీవుడ్ ( Bollywood ) స్టార్ నటుడు షారుఖ్ ఖాన్ ( Shahrukh Khan ) ను చంపేస్తాం అంటూ గత కొన్ని రోజులు క్రితం బెదిరింపులు వచ్చిన విషయం తెల్సిందే. రూ.50 లక్షలు ఇవ్వకపోతే, షా రూఖ్ ఖాన్ ను చంపేస్తాం అంటూ ముంబై పోలీసులకు బెదిరింపులు వచ్చాయి.
ఈ క్రమంలో కేసు నమోదు చేసిన పోలీసులు దర్యాప్తు మొదలుపెట్టారు. ఛత్తీస్ ఘడ్ లోని రాయపూర్ కు చెందిన ఫైజల్ ఖాన్ ను నిందితుడిగా గుర్తించారు. ఫోన్ చేసిన నంబర్ ఫైజల్ ఖాన్ పేరుపై నమోదయినట్లు పోలీసులు పేర్కొన్నారు.
ఈ క్రమంలో నిందితుడి కోసం రాయపూర్ కు ముంబై పోలీసులు వెళ్లారు. మంగళవారం ఫైజల్ ఖాన్ ను ముంబై పోలీసులు అదుపులోకి తీసుకున్నారు. ఇదిలా ఉండగా గతేడాది అక్టోబర్ లో కూడా షారుఖ్ కు బెదిరింపులు వచ్చాయి.
అలాగే ఇప్పటికే బాలీవుడ్ మరో స్టార్ నటుడు సల్మాన్ ఖాన్ ( Salman Khan ) ను లారెన్స్ బిష్ణోయ్ గ్యాంగ్ టార్గెట్ చేసుకున్న విషయం తెల్సిందే.
