- కావ్య మారన్ టార్గెట్గా నెటిజన్ల ఫైర్!
BCCI statement on Sunrisers Controversy | ఐపీఎల్ ఫ్రాంచైజీ సన్రైజర్స్ హైదరాబాద్ (SRH) యాజమాన్యం ప్రస్తుతం తీవ్ర విమర్శల పాలవుతోంది.
ఇంగ్లాండ్లో జరిగే ‘ద హండ్రెడ్’ (The Hundred) లీగ్లో భాగంగా సన్రైజర్స్ లీడ్స్ జట్టు, పాకిస్థాన్ స్పిన్నర్ అబ్రార్ అహ్మద్ ను కొనుగోలు చేయడం ఈ వివాదానికి కేంద్ర బిందువైంది.
వివాదానికి కారణం ఏమిటి?
గతంలో అబ్రార్ అహ్మద్ భారత ఆర్మీని హేళన చేస్తూ, భారత్పై విషం చిమ్ముతూ సోషల్ మీడియాలో పోస్టులు పెట్టాడనే ఆరోపణలు ఉన్నాయి.
అటువంటి ఆటగాడిని సన్ గ్రూప్ యాజమాన్యం కొనుగోలు చేయడంపై భారత నెటిజన్లు మండిపడుతున్నారు.
ముఖ్యంగా సన్రైజర్స్ ఓనర్ కావ్య మారన్ ఈ వేలంలో పాల్గొనడం, వివాదాస్పద ఆటగాడిని జట్టులోకి తీసుకోవడంపై సోషల్ మీడియాలో భారీ స్థాయిలో ట్రోలింగ్ జరుగుతోంది.
మాకు సంబంధం లేదు.. బీసీసీఐ
ఈ వివాదంపై బీసీసీఐ వైస్ ప్రెసిడెంట్ రాజీవ్ శుక్ల కీలక వ్యాఖ్యలు చేశారు. ఇతర దేశాల్లో జరిగే లీగుల్లో (Overseas Leagues) ఫ్రాంచైజీలు ఏ ఆటగాళ్లను కొనుగోలు చేస్తాయనేది బీసీసీఐ పరిధిలోకి రాదని ఆయన స్పష్టం చేశారు.
విదేశీ లీగ్ నిర్ణయాల్లో జోక్యం చేసుకునే అధికారం బోర్డుకు లేదని, అది పూర్తిగా ఆయా ఫ్రాంచైజీల వ్యక్తిగత నిర్ణయమని ఆయన పేర్కొన్నారు.
మౌనంగానే కావ్య మారన్..
వేలంలో చురుగ్గా పాల్గొన్న కావ్య మారన్, ఈ వివాదం ఇంతలా ముదురుతున్నా ఇప్పటి వరకు ఎలాంటి అధికారిక ప్రకటన చేయలేదు.
భారత ఆర్మీని అవమానించిన వ్యక్తిని ఎలా కొనుగోలు చేస్తారని అభిమానులు ప్రశ్నిస్తున్నారు. ఈ వివాదం సన్రైజర్స్ హైదరాబాద్ బ్రాండ్ ఇమేజ్పై ప్రభావం చూపే అవకాశం ఉందని విశ్లేషకులు భావిస్తున్నారు.
