Shah Rukh Khan Receives Death Threat | బాలీవుడ్ ( Bollywood ) స్టార్ నటుడు సల్మాన్ ఖాన్ ( Salman Khan ) ను చంపేస్తామంటూ లారెన్స్ బిష్ణోయ్ గ్యాంగ్ శపథం పూనిన విషయం తెల్సిందే.
ఇప్పటికే సల్మాన్ సన్నిహితుడు మహారాష్ట్ర మాజీ మంత్రి బాబా సిద్దిఖీ ( Baba Siddique )ని లారెన్స్ గ్యాంగ్ కాల్చి చంపిన ఘటన తీవ్ర కలకలం రేపింది. ఈ పరిణామాల నేపథ్యంలో బాలీవుడ్ బాద్షా షారూఖ్ ఖాన్ ( Shah Rukh Khan ) కు హత్యా బెదిరింపులు వచ్చాయి.
ఈ సారి ఏకంగా షారుఖ్ కే ఫోన్ చేసిన దుండగులు చంపేస్తాం అంటూ బెదిరించారు. ఈ నేపథ్యంలో ముంబై లోని బాంద్రా పోలీసులు ఎఫ్ఐఆర్ నమోదు చేశారు.
బెదిరింపు కాల్ చేసింది, ఛత్తీస్ ఘడ్ రాయపూర్ నివాసి ఫైజాన్ ఖాన్ అని పోలీసులు గుర్తించారు. ఈ క్రమంలో ఇప్పటికే ముంబై పోలీసులు రాయపూర్ బయలుదేరినట్లు తెలుస్తోంది. కాగా సల్మాన్ బాబా సిద్దిఖీ షారూఖ్ ల మధ్య సన్నిహిత సంబంధాలు ఉన్నాయి.
