Govt Clarity on Check Power cancelled for Deputy Sarpanch | ఉప సర్పంచులకు చెక్ పవర్ రద్దు అంటూ సోషల్ మీడియాలో పెద్ద ఎత్తున జరుగుతున్న ప్రచారంపై స్పందించింది ప్రభుత్వం. తెలంగాణ పంచాయతీ ఎన్నికలు ముగిశాయి. ఈ నేపథ్యంలో డిసెంబర్ 22న అన్ని గ్రామ పంచాయతీల్లో నూతనంగా ఎన్నికైన సర్పంచులు, వార్డు మెంబర్లు అలాగే ఎంపికైన ఉప సర్పంచుల ప్రమాణ స్వీకారం ముగిసింది.
ఇదే సమయంలో ఓ వార్త వైరల్ గా మారింది. ఉప సర్పంచ్ లకు ఉండే చెక్ పవర్ రద్దు అయినట్లు కథనాలు వచ్చాయి. ఉప సర్పంచుల చెక్ పవర్ దద్దయ్యిందని, ఈ మేరకు ఉత్తర్వుల ఫోటో కూడా సోషల్ మీడియాలో వైరల్ గా మారింది. తాజగా ఈ ప్రచారంపై ప్రభుత్వం స్పందించింది. ఈ వార్తల్లో ఎలాంటి నిజం లేదని పంచాయతీ రాజ్ శాఖ స్పష్టం చేసింది. ఇప్పటి వరకు ఈ అంశంపై ప్రభుత్వం ఎలాంటి నిర్ణయం తీసుకోలేదని పేర్కొంది.
