Telangana Assembly New Speaker | తెలంగాణ నూతన ముఖ్యమంత్రిగా నేడు రేవంత్ రెడ్డి ప్రమాణ స్వీకారం చేయనున్నారు. ఆయనతోపాటు మరో 12 మంది మంత్రులుగా ప్రమాణం చేయనున్నారు. అంతేకాకుండా తెలంగాణ శాసనసభ కొత్త స్పీకర్ పై కూడా క్లారిటీ వచ్చింది.
తెలంగాణ అసెంబ్లీ స్పీకర్ గా వికారాబాద్ నియోజకవర్గం నుంచి ఎమ్మెల్యేగా గెలుపొంది గడ్డం ప్రసాద్ కుమార్ పేరును కాంగ్రెస్ హైకమాండ్ ఖరారు చేసింది.
నాడు మంత్రి నేడు సభాధ్యక్షుడు..
గడ్డం ప్రసాద్ కుమార్ ఉమ్మడి ఆంధ్ర ప్రదేశ్ లో 2009 లో వికారాబాద్ నియోజకవర్గం నుంచి ఎమ్మల్యేగా గెలుపొందారు. వైఎస్ మరణానంతరం 2012లో నల్లారి కిరణ్ కుమార్ రెడ్డి కేబినెట్ లో టెక్స్ టైల్ మంత్రిగా ప్రసాద్ కుమార్ పని చేశారు.
తాజాగా జరిగిన ఎన్నికల్లో మరోసారి విజయం సాధించిన ప్రసాద్ కుమార్ కాంగ్రెస్ నిర్ణయంతో స్పీకర్ పదవికి ఎంపికయ్యారు. సామాజిక సమీకరణాల నేపథ్యంలో కాంగ్రెస దళిత సామాజిక వర్గానికి చెందిన గడ్డం ప్రసాద్ కుమార్‌ను నేడు సభాధ్యక్షుడిగా ఎంపిక చేసింది.
