Wednesday 19th February 2025
12:07:03 PM
Home > తాజా > తెలంగాణలో ఎన్నికల నగారా.. ఆ స్థానాలకు షెడ్యూల్ విడుదల చేసిన ఈసీ!

తెలంగాణలో ఎన్నికల నగారా.. ఆ స్థానాలకు షెడ్యూల్ విడుదల చేసిన ఈసీ!

Election commission

3 MLC Election Schedule | తెలంగాణలో పంచాయతీ ఎన్నికల కంటే ముందు మరో ఎన్నికల నగరా మోగింది. రాష్ట్రంలో మూడు ఎమ్మెల్సీ స్థానాల ఎన్నికల నిర్వహణకు సంబంధించిన కేంద్ర ఎన్నికల సంఘం బుధవారం షెడ్యూల్‌ విడుదల చేసింది.

రెండు టీచర్, ఒక గ్రాడ్యుయేట్ ఎమ్మెల్సీ స్థానానికి ఎన్నికలు నిర్వహించనున్నారు. దీని కోసం ఫిబ్రవరి 3న ఈసీ నోటిఫికేషన్‌ విడుదల చేయనుంది. అదే నెల 27న పోలింగ్‌ నిర్వహించి.. మార్చి 3న ఓట్ల లెక్కింపు చేపట్టి ఫలితాలను వెల్లడిస్తారు.

మెదక్-నిజామాబాద్-ఆదిలాబాద్-కరీంనగర్ ఉపాధ్యాయ నియోజకవర్గం, అదే స్థానంలో పట్టభద్రుల ఎమ్మెల్సీ ఎన్నికలు కూడా జరగనున్నాయి.

వీటితోపాటు వరంగల్-ఖమ్మం-నల్గొండ టీచర్ ఎమ్మెల్సీ నియోజకవర్గానికి ఎన్నికలు జరుగుతాయి. మార్చి 29న రెండు ఉపాధ్యాయ, ఒక గ్రాడ్యుయేట్ ఎమ్మెల్సీ స్థానం ఖాళీ కానున్నాయి. ఈ నేపథ్యంలో కేంద్ర ఎన్నికల సంఘం షెడ్యూల్‌ విడుదల చేసింది.  

You may also like
భారత్ కు డబ్బులెందుకివ్వాలి..ట్రంప్ ఆసక్తికర వ్యాఖ్యలు
ఛత్రపతి శివాజీ జయంతి..మహారాజ్ ను స్మరించుకున్న ప్రధాని
దిగొచ్చిన పాకిస్తాన్..స్టేడియంలో భారత జాతీయ జెండా
చంద్రబాబు మార్కెట్ యార్డుకు రావాలి..జగన్ డిమాండ్

Leave a Reply

Skip to toolbar

Designed & Developed By KBK Business Solutions